Paracriptódiros (Paracryptodira) Rango fósil: xurásico - eoceno | |||||||||||||||||
---|---|---|---|---|---|---|---|---|---|---|---|---|---|---|---|---|---|
Manchurochelys liaoxiensis (Baenoidea: Macrobaenidae) | |||||||||||||||||
Clasificación científica | |||||||||||||||||
| |||||||||||||||||
Superfamilias | |||||||||||||||||
| |||||||||||||||||
Sinonimia | |||||||||||||||||
|
Os paracriptódiros (Paracryptodira) son unha infraorde extinta de da orde dos Testudines, orde de réptiles que inclúe ás tartarugas. Inicialmente considerada como unha suborde irmán do grupo dos criptódiros (Cryptodira),[1] agora considéranse como unha liñaxe moi primitiva dentro dos Cryptodira, de acordo co máis común uso deste último taxon.[2] Algúns criptódiros algo menos primitivos (por exemplo, as denominadas "tartarugas cornudas", familia Meiolaniidae) así como as formas actuyalmente viventes conforman o grupo Eucryptodira.[3]
De acordo co concepto hoxe en desuso, os paracriptódiros comprendían dúas familias do cretáceo, a dos pleurostérnidos (Pleurosternidae) e a dos bénidos (Baenidae). Exemplares da primeira acháronse en América do Norte, Europa e, posibelmente, en Asia, mentres que a segunda coñécese só en Norteamérica.
De acordo co moderno entendemento, as familias Macrobaenidae e Neurankylidae separáronse da dos Baenidae para formaren as tres a superfamilia dos Baenoidea, cuxa monofilia, porén, require ser confirmada. Adicionalmente, existen un certo número de familias máis basais, así como algúns taxons de posición incerta no que concirne a Baenoidea:[4]
Os Macrobaenidae, outro grupo de criptódiros que pode ser realmente unha agregación parafilética, son ás veces situados tamén, parcial ou totalmente, entre os paracriptódiros.